قصيدة اجامل

القصيـــدهـ منشـــده من قبل المنشــد:. سمير البشري


قصيــدهـ أجــامل (منشـــده) .,,,

ليست جديده وممكن تكونو سامعينها كثير ..

ولكن لامست وجداني ..

,,,,,,,,,,,,,,

أجامل وابتسم وأضحك وأنا في داخلي مقهور

........... أحاول أكتم أحزاني ورى صدري وأخبيها


أحاول أكتم همومي وأخبيها وأنا مجبور

........... و أحاول قد ما أقـدر أبعد عـن حراويها


لو إني كنت بانطقها مع إنها واقفة بالزور


............ و لكـن لازم أكتمها ولا أبيّـن معـانيها

ولو بعض البشر تدري وتكشف خافي المستور

.......... أببلش في شمـاتتها وابتعب من حكاويها


طبيعة ماتفارقهم طبيعة من قديم عصور

............ ورا حكي القفى تطرد وتنبش في خوافيها


وإذا طاح الرجل مرة وصار من الزمن مكسور

........... تجيله طعنة بظهـره تفاجـأ ما درى فيها

تفاجئ ما درى باللي بيصير ومن وراه يدور

........... وخابت هقوتـه فيهم بعد ما كـان هاقيها

لجل هذا كتمت الهم في صدري وأنا معذور



............ همـومي في وسط قلبي أخبيها و أخليها


وإذا زاد الحزن فيني كأني بعالم مهجور

.............. كأني بدنيتي وحدي و كل الناس جافيها


مصير الهم يترحل وأعيش بدنيتي مسرور

............. مصير الهم ينساني ونفسي مـا يعنيها


مصير القلب لو يظلم يجي يوم ويشوف النور

........... مصير الناس تتبـدل و تتغير مـماشيها


و لكن باكتم همومي وأخبيها وأنا مجبور

........... وطبع الهم ما يهنا بغيـر ضلوع راعيها


القصيـــدهـ منشـــده من قبل المنشــد:. سمير البشري
http://www.saudienglish.net/vb/go.php?g=nfMHbE2a62U

ممـــــارآق لي وأتمنى أن يــروق لكـــم ....