الســ al5rab ــراب
اهلا وسهلا بزوارنا الكرام نتمنى ان تجدوا المتعة والفائدة معنا وان تضيفوا لنا الكثير من الفائدة والمعرفة ونحن بدونكم لانستطيع عمل كل مايرضي جميع الأذواق فساهم معنا في المساهمة في جعل هذا المنتدى شامل جميع الأعمار والأذواق وشكرا لمساهماتكم مهما كانت , سجل معنا لنحظى بالاستفاده من ابداعاتك فلنبدأ مع بعض بالصعود لأعلى الهرم.
الســ al5rab ــراب
اهلا وسهلا بزوارنا الكرام نتمنى ان تجدوا المتعة والفائدة معنا وان تضيفوا لنا الكثير من الفائدة والمعرفة ونحن بدونكم لانستطيع عمل كل مايرضي جميع الأذواق فساهم معنا في المساهمة في جعل هذا المنتدى شامل جميع الأعمار والأذواق وشكرا لمساهماتكم مهما كانت , سجل معنا لنحظى بالاستفاده من ابداعاتك فلنبدأ مع بعض بالصعود لأعلى الهرم.
الســ al5rab ــراب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الســ al5rab ــراب

منتديات عامة اجتماعية وترفيهية
 
الرئيسيةالبوابةأحدث الصورالتسجيلدخول

 

 مقالب على كيفك

اذهب الى الأسفل 
3 مشترك
كاتب الموضوعرسالة
yosef008

yosef008


عدد المساهمات : 205
نقاط : 448
السٌّمعَة : 0
تاريخ التسجيل : 23/05/2010
الموقع : في مكان ما بين الابتسامة والضحكة

مقالب على كيفك Empty
مُساهمةموضوع: مقالب على كيفك   مقالب على كيفك I_icon_minitimeالسبت 03 يوليو 2010, 00:26

[size=24]لايفوتكم المقلب الاخير
________________________________________



الموقف الأول : بوكيه ورد

هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..

انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!

يعني خربوا عليه أول ليلة في حياتهم .. بسبب هالتصرف !!!!! Very Happy Very Happy Laughing

الموقف الثاني : خمسين ألف ريال

هذا الله يسلمكم واحد تزوج وكانت اموره كل شي زي اللوز ، وكل شي عدا على خير
أخذ زوجته وراحوا لبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
يا ابن الحلال ... عدل بدل ،، الرجاااال مصرّ الا يجون
البنت طبعا طااايرتن عيونها !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة
يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
قالت وش ذولي ؟؟ قال هدية لك .. بمناسبة هالموقف اللي صار اليوم !! قالت شلون وش السالفة ؟؟

قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي

البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !! Laughing Laughing Laughing Laughing

الموقف الثالث : بخاري

هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
الرجال قال أبد ياشباب ماتقصرون ويكفي شعوركم .. ومن هالكلام
واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
بعد ماجلسوا فترة بالفندق .. رنّ الجرس وفتح العريس الباب وأثره خويه
والمصيبة إنه جايب له العشاء كيسة رز بخاري وبصل وجرجير
ويمدها له وهو ميت ضحك
وش موقف الزوج ؟؟؟؟؟؟؟؟؟؟ أترك لكم التعليق


الموقف الرابع : النور

هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
يااااوك وش السالفة .. طلع الزوج وفتح الطبلون حق الكهرب واشتغل النور
رجع مرة ثانية .. وطفى النور .. وراح مرة ثانية وشغله
ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال

الموقف الخامس : مقلب عكسي

هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه
قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم ... وكتب فيها ان الزواج بيكون في البيت
الشباب اخذوا البطاقات .. وشكلهم كانوا ناوين يسوون فيه مقلب يوم زواجه
طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون
يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
ويروح واحد يسأل اخو العريس .. وين فلان ؟؟
قال .. سافر
قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟
قال .. زواجه امس ... وسافر اليوم الصبح هو وزوجته

وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم
[/size]
الرجوع الى أعلى الصفحة اذهب الى الأسفل
السراب

السراب


عدد المساهمات : 71
نقاط : 117
السٌّمعَة : 9
تاريخ التسجيل : 19/05/2010
الموقع : المملكة العربية السعودية / القصيم

مقالب على كيفك Empty
مُساهمةموضوع: رد: مقالب على كيفك   مقالب على كيفك I_icon_minitimeالأحد 04 يوليو 2010, 03:24

[b][center]
الله يعطيك العافيه على هالمواقف المضحكه

بعض المواقف حلوة بس بعض المواقف تسوي مشاكل واحراجات خاصة ليلة العرس

بعض الخويا من حبهم له يسوون فيه مقلب عشان ماينساه طول عمره مثل اول ليلة الزواج

وهذا موقف منها

واحد تزوج الزوجه الثانيه وكان له ثلاث بنات متزوجات وازواجهن علاقتهم قويه مع ابوهن ( العريس ) واحد منهم راعي نكت وحرك ويعجبك اتفق

مع عدلاه بانهم يسوون بخالهم مقلب واحد موافق بس قال مالي دخل بكم وواحد لا تسذا ولا تسذاك بس تسنه رحوم

قال راعي المقالب وعلم خاله انه بيسوي مقلب فيه وشلون تتزوج على خالتي يجامل زوجته ( ايقاله ) المهم يوم راح الزوج للعرس وكان هالعرس

عائلي محفوف قال راعي المقالب بكسر مفتاح بقفل الباب قال الي مو معارض لا حرام حط عود بس المهم حط عود وغيروا قفول البيت بالدور

الارضي يوم رجع العريس معه زوجته بيدخل البيت ماقدر يفتح والزوجه بالسيارة تنتظر والرجال يحورف بالب وانحرج ويناظر البيت السور رفيع

والبيبان الثانية مغيره مفاتيحه وكبير وثقيل مايقدر يقمز حاول بالباب واخراج العود من القفل حتى بدى يتصبب من العرق وفتحه اخيرا وهو يتوعد ويلعن

على هالموقف الذي قضى على ثلاثة ارباع طاقته ايه تخبرون شايب .
[center]


عدل سابقا من قبل السراب في الأحد 04 يوليو 2010, 04:06 عدل 1 مرات
الرجوع الى أعلى الصفحة اذهب الى الأسفل
https://al5rab.yoo7.com
yosef008

yosef008


عدد المساهمات : 205
نقاط : 448
السٌّمعَة : 0
تاريخ التسجيل : 23/05/2010
الموقع : في مكان ما بين الابتسامة والضحكة

مقالب على كيفك Empty
مُساهمةموضوع: انتبة ثاني مرة   مقالب على كيفك I_icon_minitimeالأحد 04 يوليو 2010, 03:58

( يسوون بخالعم )


ححححححححححللللللللللللللللوووووووووووة شكرا لمرورك واضافتك
الحلوة
الرجوع الى أعلى الصفحة اذهب الى الأسفل
ابوهاني




عدد المساهمات : 35
نقاط : 41
السٌّمعَة : 0
تاريخ التسجيل : 07/06/2010

مقالب على كيفك Empty
مُساهمةموضوع: رد: مقالب على كيفك   مقالب على كيفك I_icon_minitimeالخميس 15 يوليو 2010, 01:52

[b][center][b][center]مشكور على هالمواقف الحلوة

الله يستر مايصير لي شي لو اعرس

تصدق ذكرتني ايامن مضت وراحت لن تعود ايييييييييييييييييييييييييه سقا هكاليام

مشكور والى الامام كما عودتنا على قفشاتك الحلوة
الرجوع الى أعلى الصفحة اذهب الى الأسفل
 
مقالب على كيفك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الســ al5rab ــراب  :: منتديات الأدب :: القصص والروايات-
انتقل الى: